SARRERA

Kaixo lagunok!!!
Nire izena Eneko Martinez Izquierdo da, eta jarraian, 7 bitartekoen (Mindomo, Scratch, Cmaptools, Youpaint, Pixton, Procaster eta Voki-ren) adibide bat, bideo-tutorialak, erabilpena, loturak eta hainbat atal aurkeztuko dizkizuet.

Espero dut nire blog-a erabilgarria suertatzea irakasle zaretenontzat edo izango zaretenontzat (ideia berriak ikusiz eta praktikan jarriz). Horrela, klaseak dibertigarriagoak eta motibagarriagoak lortuko dituzue.
Hartu ideiak blog-etik, eta ausartu zaitez praktikan jartzen!!!

SCRATCH

Kaixo adiskideok!

Gaur azalduko dizuedan bitartekoa SCRATCH du izena. Programa honen bitartez, jolas moduan programatzen ikasi ahal izango duzue, ipuinak, jolasak eta horrelakoak eginez. Jarraian nik egindako matematika jolasa uzten dizuet programa nolakoa den ikusi ahal izateko (Scratch | Proyecto | matematika lana).


Programa gustatu bazaizue, hemen usten dizuet bideo-tutoriala, nola egiten den ikasteko.

Watch live streaming video from estitxusalaberria at livestream.com

Scratch programa, ikasgeletan erabiltzeko oso egokia da, umeek ordenagailuak (edo programa mota hauek behintzat) erraztasun handiarekin erabiltzen ikasten dutelako. Gainera programa honen atalak, kolorez ezberdinduta daude, umeek erraz ulertzeko.
Adibidez, matematika jolasak egin daitezke,ipuinak eta hainbat ariketa mota,umeen argazkiak jarriz, ahotsak... eta honek motibatu egiten ditu gero haiek erabiliko dituztelako.
Ikasgai guztiekin erabiltzeko aproposa da, baina lehenik erabiltzen ikasteko informatika orduetan lantzea gomendatuko nuke. Behin ikasleek egiten dakitela, beste ikasgaietan erabiltzeko aukera emango digu.


Programa honi buruz gehiago jakin nahi baduzue, 3 lotura usten dizkizuet;
Lehenengoa SCRATCH erabiltzeko gida osoa da, argazkiez osatuta dagoena. Orrialde hau bisitatzea gomendatzen dizuet programa erabili aurretik informazio ugari ematen duelako, edo dudaren bat sortzen bazaizue programa erabiltzen zaudeten bitartean.
Bigarrena artikulu bat da, eta bertan programa azaldu egiten du. Artikulu honetan, programatzea zer den ere azaltzen du, eta lotura bat dauka zuzenean programa jaitsi ahal izateko.
Eta hirugarrena youtube-ko bideo-tutorial bat da ingeleraz (nahiko ondo ulertzen da), non ume batek scracth programa azaltzen duen. Bertan ikusi ahal izango duzue nola umeek ere erabiltzen ikas dezaketen.


Amaitzeko, gogoratzen dizuet scratch-ekin lan egiteko beharrezkoa duzuela ordenagailu bat, internet sarea eta programa internetetik deskargatzea.

Eskerrik asko zuen arretagatik eta hurrengorarte!!!

PIXTON

Kaixo lagunok!!!
Gaur azalduko dizuedan bitartekoa PIXTON da. Programa honen bitartez komikiak online egiteko aukera izango duzue.
Jarraian nik egindako komiki bat usten dizuet, espero dut zuen gustokoa izatea! Ikusteko klikatu hemen.


Programa gustatu bazaizue edo jakinmina sortu bazaizue, jarraian uzten dizuet nik egindako bideo-tutoriala, non azaldu egiten ditudan programaren atalak; esaterako, nola erregistratu eta nola zuen blog edo web orrialdera igo.

Watch live streaming video from estitxusalaberria at livestream.com

PIXTON programa, hezkuntzan lantzeko bitarteko oso aproposa da. Nire kasuan, hizkuntzetan jorratuko nuke. Normalean komikiaren generoa landu egiten dira ikasgai hauetan. Hasteko, idatziz ikasiko zuten zer den komikia, nola egiten diren eta zeintzuk diren komikiaren ezaugarriak. Behin ikasita ikasleek, PIXTON-en, haien ideiak azaleratzea eskatuko nieke.

Bitarteko honi buruz gehiago jakin nahi baduzue,jarrian hiru lotura usten dizkizuet;
Lehenengoa powerpoint bat da. Bertan, programaren atalak powerpoint baten bitartez azaltzen ditu. Oso egokia da programa erabiltzen ikasteko, informazio ugari ematen duelako.
Bigarrena artikulu bat, eta bitarteko honetan zer nolako gauzak egin ditzakezun azaltzen du.
Hirugarren lotura honetan, youtuben dagoen bideo-tutorial bat aurkezten dizuet.


Bukatzeko, esan beharra daukat Pixton erabiltzeko beharrezkoa daukagula ordenagailu bat, internet sarea eta Pixtonen kontu bat egitea gero hauek internetera igo ahal izateko.

Eskerrik asko zuen arretagatik eta laster arte!

CMAPTOOLS

Kaixo berriro ere lagunok!
Gaur aurkeztuko dizuedan programa CMAPTOOLS da. Programa honen bitartez, mapa kontzeptualak egiteko aukera izango duzue modu erraz batez.
Jarraian adibide bat utziko dizuet, bitarteko honekin egin daitekeena ikusi ahal izateko.

Adibide honen hostean, nik egindako bideo-tutoriala uzten dizuet, nola jaitsi eta nola erabiltzen den azaltzeko.

Watch live streaming video from estitxusalaberria at livestream.com

Hezkuntzan erabiltzeko programa ona da. Mapa kontzeptualak egiteko aukera ematen digu modu erraz batez. Edozein arlotan erabil daiteke, ideiak ordenatzeko, laburpenak egiteko, lanak aurkezteko... .
Etxerako lanak bidaltzeko modu aparta da;
Adibidez laburpenak egiteko edo ikasgelan landu duguna mapa kontzeptual baten bidez umeek "buruan ordenatzeko" bidali daiteke, gero bakoitzak etxean berea egiteko eta hurrengo egunean ikasle guztien artean zuzentzeko eta aldi berean klase-kide guztiona ikusi ahal izateko.

Bitarteko honi buruz gehiago jakin nahi baduzue, jarraian 3 lotura uzten dizkizuet;
Lehenengoa "Cmap" web orrialdea da, eta bertan programa osoa pausuz pausu azaltzen du. Orrialde hau bisitatzea gomendatzen dizuet programaren atal guztiak ezagutu nahi badituzue.
Bigarrena, blog bat da. Blog hau psikopedagogo batzuek eginikoa da, eta bertan zen den cmaptools, zertarako erabiltzen den eta zeintzuk diren bere ezaugarriak azaltzen digu. Gainera zein eragin izan dezake gure ikasteko prozesuan esaten digute.
Eta Hirugarrena, gazteleraz dagoen youtubeko bideo-tutorial bat da, non programa azaltzen digun.


Ikasgelan erabiltzeko ordenagailua behar duzue, internet sarea eta programa deskargatzea.
Espero dut bitarteko hau zuen gustokoa izatea, laster arte!!!

YOUPAINT

Kaixo adiskideok!
Gaur aurkeztuko dizuedan programa youpaint da. Programa honen bitartez marrazkiak egiteko eta koloreztatzeko aukera izango duzue, hainbat adinetarako zuzenduta baitago.
Jarraian adibide bat usten dizuet, espero dut zuen gustokoa izatea!

Adibide honen ostean, nik egindako bideo-tutoriala usten dizuet, nola programa jaitsi behar duzuen eta nola erabiltzen den azaltzeko. Espero dut baliagarria izatea.

estitxusalaberria on livestream.com. Broadcast Live Free

Bitarteko hau, oso baliagarria da bai Haur Hezkuntzarako bai Lehen Hezkuntzarako. Lehen esan bezala, marzgozteko eta koloreztatzeko aukera ematen du. Hau Hezkuntzan koloreak ikasteko eta plantilak koloreztatzeko aukera ematen du, eta Lehen Hezkuntzan marrazkiak diseinatzeko eta irudi ezberdinez osatutako marrazki berriak egiteko.
Honekin batera, esan behar dizuet, pantaila taktil edo ikutzeko pantailak dituzten ikastetxeetan, umeek atzamarrekin marrazteko aukera ematen duela, eta hau oso dibertigarria suertatzen da ume eta nagusiekin.

Programa honetaz gehiago jakin nahi baduzue segituan 3 lotura uzten dizkizuet;
Lehenengoa YOUPAINT programaren orrialde bat da non atal guztien azalpena ematen duen.
Bigarrena, artikulu labur bat da, eta bertan aurkeztutako bitartekoan zer aurkitu dezakegun azaltzen digu.Honekin batera, programa jaisteko lotura bat ezartzen dute.
Eta hirugarrena, youtubeko bideo-tutorial bat da, eta bertan lehen komentatutako ikutzeko pantaila erabiltzen du. Oso bideo polita iruditu zait eta ikustea gomendatzen dizuet!


Ikasgelan erabiltzeko ordenagailua, internet sarea eta programa deskargatzea behar duzue.Jakin dezazuen, bitarteko hau frogatzeko 30 egun dituzuela, eta hauek igaro ostean erosi egin behar dela.
Espero dut programa zuen gustokoa izatea, laster arte!!!

MINDOMO

Kaixo adiskideok!
Jarraian azalduko dizuedan programa MINDOMO da. Programa honen bitartez mapa kontzeptualak egiteko aukera izango duzue, modu erraz eta dibertigarri batean.

Hasteko, bitartekoaren adibide bat jarriko dizuet. Ikusteko, klikatu hemen

Adibidea gustatu bazaizue, eta egiten ikasi nahi baduzue, jarraian nik egindako bideo-tutoriala uzten dizuet. Espero dut baliagarria izatea!

Watch live streaming video from estitxusalaberria at livestream.com

MINDOMO programa, esan bezala, mapa kontzeptualak egiteko balio du, eta oso erabilgarria suerta daiteke ikasleentzat.
Ideiak ordenatzeko modu ona da, gainera ikasgelan landutako gaien eskemak eta laburpenak egiteko ere aproposa da. Ez da ikasgai jakin batentzat aproposa, edozein ikasgaiean, etekina atera daiteke, esaterako hizkuntzak lantzerakoan, orrialdea hainbat hizkuntzatan egiteko aukera daukalako.
Etxerako lan giza ere erabil daiteke, hurrengo egunean umeek aurkezteko eta guztion artean zuzentzeko (horrela, akats nabarmenenak ikasleek ikusi ahal izango dituzte).

Bitarteko hau gustatu bazaizue, segituan 3 lotura uzten dizkizuet;
Lehenengoa artikulu bat da, eta bertan programa zer den azaltzen digu. Honekin batera, Mindomo web orrira lotura bat dauka.
Bigarrena web orrialde bat da, bertan, gida testu bat dago, non, pausuz pausu azaltzen diren programaren atalak. Orrialde hau bisitatzea gomendatzen dizuet, erabiltzerako orduan arazoren bat sortzen bazaizue.
Eta hirugarrena, ingeleraz dagoen youtubeko powerpoint bideo bat da. (Ondo ulertzen dena), programa azalduz.

Programa hau erabiltzeko, beharrezkoa duzue ordenagailu bat, internet sarea eta mindomon erregistratuta egotea. Esan behar dizuet, 7 mapa gordetzerakoan, programak ez dizkizula gehiago egiten uzten, eta ordaindu egin behar duzula. (Hala ere, beste kontu bat sortzen baduzu, beste 7 izango dituzu).

Espero dut bitarteko hau erabilgarria izatea. Laster arte!!!

VOKI

Kaixo lagunok!
Jarraian azalduko dizuedan programa VOKI da. Programa honen bitartez "Avatar" edo pertsonaiak asmatzeko eta itxura aldatzeko aukera izango duzue. Gure ahotsa grabatzeko aukera ematen digu eta idatzitakoa panpinak esatea ere lor dezakegu.
Jarraian adibide bat uzten dizuet, programa nolakoa den ikusi ahal izateko.


Click here to comment on this Voki.
Get a Voki now!

Adibidea ikusita, nik egindako bideo-tutoriala uzten dizuet, nola egiten den eta nola jaitsi egin behar den ikusi ahal izateko.

Watch live streaming video from estitxusalaberria at livestream.com

Voki programa oso dibertigarria suerta daiteke umeek hizkuntzak lantzeko. Ahozkera lantzeko bide oso ona da, hainbat hizkuntzatako ahozkera ezberdinak aukeratzeko abagunea ematen digulako.
Gramatika eta esaldien ordena lantzeko ere aukera ematen du.
Honetaz aparte, beste erabilera batzuk ere atera daitezke; Zoriontzeko mezuak bidaltzeko, irakasleak umeei etxerako lanak bidaltzeko modu dibertigarri batez, laburpenak egiteko... .

Bitarteko hau gustatu bazaizue, jarraian, 3 lotura uzten dizkizuet programa honi buruz informazoa ematen dutena;
Lehenengoa artikulu bat da, bertan VOKI zer den eta zertarako balio duen azaltzen digu (batez ere hezkuntza arloan).
Bigarrena blog bat da, honetan, zer den eta nola erabili ikasgeletan azaldu egiten digu.
Eta hirugarrena gazteleraz dagoen youtubeko bideo-tutorial bat da, eta bertan nola erregistratu eta nola sortu voki bat azaltzen du.

Vokirekin lan egin ahal izateko, ordenagailu bat, internet sarea eta vokin erregistratuta egotea bakarrik behar duzue.

Espero dut bitarteko honi probetxua atera ahal izatea, laster arte!